Það hefur færst í vöxt að eigendur fjórhjóla komi í BJB og láti breyta hjóli sínu fyrir 31" dekk. Breytingin er einföld og felst í því að undir hjólið eru settar 15" felgur, 8" breiðar og á þær koma svo 31" Winterforce snjódekk, með eða án nagla. Dekkin eru svo kölluð P-dekk fyrir létta jeppa, fyrir vikið eru dekkin mjúk og bælast vel við lágan loftþrýsting. Einnig getur verið þörf á að laga til brettin en það er misjafnt eftir því af hvaða tegund hjólið er.

Með EU merkjakerfinu verður auðveldara fyrir bíleigendur að greina góða hjólbarða.
Síðustu ár hefur mikið borið á ódýrum hjólbörðum á mörkuðum í Evrópu og á Íslandi. Þessir ódýru hjólbarðar koma flestir frá verksmiðjum í Kína sem gera litlar sem engar gæðakröfur varðandi grip og aðra þætti sem einkenna góða hjólbarða. En það getur verið snúið að vita hvað eru góðir hjólbarðar, því gæðin eru ekki bara fólgin í munstrinu.

Hlutverk dekkja og loftþrýstingur. Dekk á bílum gegna mikilvægara hlutverki en við flest gerum okkur grein fyrir. Dekkin eru tæknilega flókin smíð og mikil vísindi, rannsóknir og þróunarvinna liggur þar að baki. Dekkin vinna með fjöðrunarkerfi bílsins, og er hlutverk þeirra að tryggja gott veggrip svo bíllinn renni ekki til og valdi í verstafalli slysi.